មលវគ្គ
មាន១២រឿង – ២១គាថា
☸️១១. រឿង ព្រះឧជ្ឈានសញ្ញី
ព្រះបរមសាស្តា ទ្រង់ប្រារឰនូវព្រះឧជ្ឈានសញ្ញី ។ ព្រះថេរៈ ចូលចិត្តតែនិយាយឣំពីរឿងរ៉ាវ របស់ពួកជនដទៃ ឃ្លាំមើលតែទោស របស់ភិក្ខុទាំងឡាយ ឃើញហើយ បានដើរទៅនិយាយប្រាប់គេប្រាប់ឯង ។ ភិក្ខុទាំងឡាយ បានក្រាបទូលរឿងនោះ ដល់ព្រះសាស្តា ។
ព្រះសាស្តាចារ្យបរមគ្រូ ទ្រង់ត្រាស់នូវព្រះគាថានេះ ថា ៖
| ១៩. | បរវជ្ជានុបស្សិស្ស | និច្ចំ ឧជ្ឈានសញ្ញិនោ |
| អាសវា តស្ស វឌ្ឍន្តិ | អារា សោ អាសវក្ខយា ។ |
👉កាលបុគ្គលគយឃ្លាំមើលទោស របស់អ្នកដទៃជាប្រក្រតី មានការកត់សំគាល់ហេតុក្នុងការពោលទោស ( អ្នកដទៃ ) ជាប្រក្រតី អាសវៈទាំងឡាយ របស់បុគ្គលនោះ តែងចម្រើន បុគ្គលនោះ ឈ្មោះថា ឋិតនៅឆ្ងាយអំពីធម៌ជាគ្រឿងអស់អាសវៈ ។
