និរយវគ្គ
មាន៩រឿង – ១៤គាថា
☸️៨. រឿង ពួកនិគ្រន្ថ
ព្រះបរមសាស្តា ទ្រង់ប្រារឰ នូវពួកនិគ្រន្ថ ក្រៅសាសនា ។ សម័យថ្ងៃមួយ ភិក្ខុទាំងឡាយ សន្ទនាគ្នាថា “ពួកនិគ្រន្ថ មានសេចក្តីខ្មាសឣៀន ជាងពួកឣចេលកៈទាំងឡាយ” ។ ពួកនិគ្រន្ថ បានឮ ហើយ ទើបនិយាយទៅរកភិក្ខុទាំងនោះ យ៉ាងយូរ ។ ពួកភិក្ខុទាំង ឡាយ បានយករឿងនោះ ទៅក្រាបទូល ដល់ព្រះសាស្តា ។
ព្រះសាស្តាចារ្យ ទ្រង់ជ្រាបហើយ ត្រាស់ព្រះគាថានេះ ថា ៖
| ១១. | អលជ្ជិតាយេ លជ្ជន្តិ | លជ្ជិតាយេ ន លជ្ជរេ |
| មិច្ឆាទិដ្ឋិសមាទានា | សត្តា គច្ឆន្តិ ទុគ្គតឹ ។ |
👉សត្វទាំងឡាយ ដែលប្រកាន់មិច្ឆាទិដ្ឋិ រមែងខ្មាសក្នុងហេតុដែលគេមិនត្រូវខ្មាស រមែងមិនខ្មាសក្នុងហេតុដែលត្រូវខ្មាស សត្វទាំងនោះ តែងទៅកាន់ទុគ្គតិ ។
| ១២. | អភយេ ភយទស្សិនោ | ភយេ ច អភយទស្សិនោ |
| មិច្ឆាទិដ្ឋិសមាទានា | សត្តា គច្ឆន្តិ ទុគ្គតឹ ។ |
👉សត្វទាំងឡាយ ដែលប្រកាន់មិច្ឆាទិដ្ឋិ រមែងយល់ឃើញក្នុងហេតុដែលគេត្រូវខ្លាចថា ជាហេតុដែលគេមិនត្រូវខ្លាចផង សត្វទាំងនោះ តែងទៅកាន់ទុគ្គតិ ។
