បណ្ឌិតវគ្គ
មាន១១រឿង – ១៤គាថា
☸️១១. រឿង ឣាគន្តុកភិក្ខុ
ព្រះបរមសាស្តា ទ្រង់ប្រារឰនូវភិក្ខុឣាគន្តុកៈ ៥០០ រូប ដែលចាំវស្សា ក្នុងទីក្រុងកោសល ។ លុះពេលចេញវស្សាហើយ ភិក្ខុទាំងនោះ ក៏បាននាំគ្នាទៅក្រាបថ្វាយបង្គំព្រះសាស្តា នៅវត្តជេតពន ក្រុងសាវត្ថី ។
ព្រះសាស្តា កាលទ្រង់សម្តែងធម្មីកថា ដើម្បីរម្ងាប់ នូវសឹក សត្រូវ នៃភិក្ខុទាំងនោះ ទ្រង់ត្រាស់នូវព្រះគាថានេះ ថា ៖
ព្រះសាស្តា ស្តេចយាងមក ក្នុងទីប្រជុំ សម្តែងធម្មីកថា ហើយទ្រង់ត្រាស់នូវព្រះគាថានេះ ថា ៖
| ១២. | កណ្ហំ ធម្មំ វិប្បហាយ | សុក្កំ ភាវេថ បណ្ឌិតោ |
| ឱកា អនោកមាគម្ម | វិវេកេ យត្ថ ទូរមំ ។ |
👉បណ្ឌិតគួរលះបង់ធម៌ខ្មៅចេញ ញ៉ាំងធម៌ស ឲ្យចម្រើនឡើង ( ដោយវិធី ) ចេញចាកអាល័យគឺកាមគុណ ហើយឈមទៅរកព្រះនិព្វាន ជាធម៌មិនមានអាល័យ ។
| ១៣. | តត្រាភិរតិមិច្ឆេយ្យ | ហិត្វា កាមេ អកិញ្ចនោ |
| បរិយោទបេយ្យ អត្តានំ | ចិត្តក្លេសេហិ បណ្ឌិតោ ។ |
👉គប្បីលះបង់កាមទាំងឡាយចេញ ជាអ្នកមិនមានកង្វល់ ប្រាថ្នានូវសេចក្តីត្រេកអរ ក្នុងវិវេកដែលពួកសត្វត្រេកអរបានដោយក្រនោះ បណ្ឌិតគួរញ៉ាំងខ្លួនឲ្យផូរផង់ចាកគ្រឿងសៅហ្មងចិត្ត ។
| ១៤. | យេសំ សម្ពោធិយង្គេសុ | សម្មា ចិត្តំ សុភាវិតំ |
| អាទានបដិនិស្សគ្គេ | អនុបាទាយ យេ រតា | |
| ខីណាសវា ជុតិមន្តោ | តេ លោកេ បរិនិព្វុតា ។ |
👉ចិត្តដែលបណ្ឌិតទាំងឡាយណា បានអប់រំល្អហើយ ក្នុងអង្គនៃធម៌ដែលជាគ្រឿងត្រាស់ដឹងទាំងឡាយ ឬបណ្ឌិតទាំងឡាយណា មិនប្រកាន់មាំ ត្រេកអរតែក្នុងការលះបង់នូវសេចក្តីប្រកាន់មាំ បណ្ឌិតទាំងឡាយនោះៗ រមែងជាអ្នកអស់អាសវៈ មានសេចក្តីរុងរឿង បរិនិព្វានក្នុងលោក ។
ចប់បណ្ឌិតវគ្គ ទី ៦
