សហស្សវគ្គ
មាន១៤រឿង – ១៦គាថា
☸️៦. រឿង សារីបុត្តភាគិនេយ្យព្រាហ្មណ៍
ព្រះបរមសាស្តាទ្រង់ប្រារឰនូវក្មួយ របស់ព្រះសារីបុត្រដែលប្រាថ្នាចង់ទៅកើត នៅឯព្រហ្មលោក ។ ព្រាហ្មណ៍នោះ បានសម្លាប់សត្វ បូជាភ្លើងជារៀងរាល់ថ្ងៃ ។ ព្រះថេរៈ បាននាំព្រាហ្មណ៍ ទៅគាល់ព្រះសាស្តា ដើម្បីក្រាបទូលសួរបញ្ហាផ្សេងៗ ។
ព្រះសាស្តាចារ្យ ទ្រង់ត្រាស់នូវព្រះគាថានេះ ថា ៖
| ៨. | យោ ច វស្សសតំ ជន្តុ | អគ្គឹ បរិចរេ វនេ |
| ឯកញ្ច ភាវិតត្តានំ | មុហុត្តមបិ បូជយេ | |
| សាយេវ បូជនា សេយ្យោ | យញ្ចេ វស្សសតំ ហុតំ ។ |
👉ជនណាបម្រើភ្លើងក្នុងព្រៃអស់ ១០០ ឆ្នាំ ចំណែកឯការបូជាចំពោះបុគ្គលដែលមានខ្លួនអប់រំហើយ តែ ១ នាក់ សូម្បីតែមួយរំពេច ការបូជានោះឯង ប្រសើរជាងការបូជារបស់ជននោះ ការបូជាភ្លើងអស់ ១០០ ឆ្នាំ មិនប្រសើរឡើយ ។
