ផ្ទាំងចម្លាក់ទេពប្រាំបួនអង្គ
ផ្ទាំងចម្លាក់ទេពប្រាំបួនព្រះអង្គគង់តម្រៀបគ្នាជាជួរ ដែលប្រហែលជាប់ពាក់ព័ន្ធនឹងពិធីបូជាព្រះអគ្គី ។ ផ្ទាំងចម្លាក់នេះបង្ហាញតារាសាស្ត្របួនព្រះអង្គ៖ ព្រះអាទិត្យ ព្រះចន្ទ្រ ព្រះរាហ៊ូ និងព្រះកេតុ ដែលទាក់ទងសូរ្យគ្រាស និងចន្ទគ្រាស ។ រីឯទេពប្រាំអង្គទៀតជាទេពរក្សាទិសធំទាំងបួន ។ ទេពទាំងប្រាំបួនអង្គនេះរួមមាន ៖
- ព្រះសូរ្យ កាន់ផ្កាឈូក មានសេះអូសរទេះ
- ព្រះចន្ទ្រ ព្រះហស្ថកាន់ផ្ការំចង់ គង់លើបល្ល័ង្ក
- ព្រះយម គង់លើសត្វក្របី (ទិសខាងត្បូង)
- ព្រះភិរុណ គង់លើសត្វហង្ស (ទិសខាងលិច)
- ព្រះឥន្ទ្រ គង់លើសត្វដំរី (ទិសខាងកើត)
- ព្រះកុវេរ គង់លើសត្វសេះ (ទិសខាងជើង)
- ព្រះអគ្គី គង់លើសត្វពពែ (ទិសអាគ្នេយ៍)
- ព្រះរាហ៊ូ អណ្តែតចេញពីពពក
- ព្រះកេតុ គង់លើសឹង្ហ
ហ្វេសបុកសារមន្ទីរជាតិកម្ពុជា (១៣/០១/២០២៣)
✍️ចងក្រងដោយ៖ ឈូកខ្មែរ
កំពុងផ្ទុកប្រតិទិនខ្មែរ...
